Sete anos de gobernos negándonos a verdade

Plataforma Víctimas del Tren Alvia

Share on facebook
Facebook
Share on twitter
Twitter
Share on google
Google+
Share on whatsapp
WhatsApp
Share on telegram
Telegram
Share on email
Email
Share on facebook
Share on twitter
Share on google
Share on whatsapp
Share on telegram
Share on email

Transcorreron máis dous mil cincocentos días, houbo catro gobernos e catro ministros de Fomento distintos e aínda non hai unha investigación técnica independente como reclama a UE. Nin tan sequera no xulgado, xa que a Xunta de Galiza impuxo, no seu día, a dous dos tres peritos xudiciais sen experiencia na materia.

Di moi pouco das nosas institucións e dos nosos gobernantes que aínda non se cumprise coa obrigación de pór en marcha esa investigación, tal e como solicitou a UE en varias ocasións. Non o fixeron nin os gobernos do PP, nin do PSOE, nin o deste último en coalición con Unidas Podemos pese ao apoio mostrado inicialmente e o posterior silencio -xa no goberno- do vicepresidente Pablo Iglesias.

Nun informe de 2016, a UE concluíu que o goberno non cumpriu coa obrigación de investigar a traxedia (Directiva de Seguridade 2004/49/CE), pondo de manifesto a falta de independencia e a invalidez da investigación realizada pola Comisión de Investigación de Accidentes Ferroviarios (CIAF) ao non analizar cáusalas raíz, precisamente as que afectan a Fomento, Renfe e Adif.

As vítimas e a cidadanía merecemos saber toda a verdade. Non investigar correctamente impide tomar as medidas adecuadas para evitar que feitos tan terribles poidan volver repetirse, un dos principais obxectivos sinalados pola normativa.

Respecto das responsabilidades penais, o xuíz, co apoio do fiscal, mantén imputando ao ex-director de Seguridade do ADIF, o Sr. Cortabitarte, e ao maquinista, o Sr. Garzón, por 80 delitos de homicidio por imprudencia grave profesional. Pensamos que ademais existe responsabilidade penal por parte de Renfe, xa que tiña constancia por escrito dun aviso dun xefe de maquinistas sobre o perigo da curva e non actuou en consecuencia, tal e como obriga a Directiva 2004/49/CE.

Respecto das responsabilidades políticas, a comisión parlamentaria pechouse en falso, sen conclusións e non permitíndonos comparecer en último lugar. Esperamos que se retomen os traballos, pero antes é imprescindible que se faga a Investigación Técnica Independente, xa que moitos deputados na comisión parlamentaria replicaban e argumentaban en base a unha investigación técnica que Europa invalidou Ademais, débense de ter en conta novas informacións relevantes:

  • Un mecánico denuncia que directivos de Talgo obrigárono a borrar as avarías do Alvia de Angrois inmediatamente despois da traxedia.
  • Adif gastou 14.900 euros en asesorar aos seus comparecentes, o que explica que non desen resposta a preguntas sinxelas. Tratou Adif de manipular a Comisión? Algo que sería grave.
  • Os procedementos de infracción que a UE mantén abertos a España por incumprimento da normativa europea de seguridade ferroviaria. 

É imprescindible que se depuren todas e cada unha das responsabilidades e que se esclareza toda a verdade e se realice a investigación técnica independente, e se incorporese esta ao proceso xudicial. 

Ao longo destes anos vítimas, familias e amigos tivemos que ir a Europa para ser tratados como verdadeiros cidadáns e loitamos moito para desmontar a verdade oficial.

Primeiro foi o PP con Rajoy á fronte e os seus ministros: Ana Pastor, Íñigo da Serna, Rafael Catalá, daquela o PSOE de Sánchez e o seu ministro Ábalos, e por último o vicepresidente Pablo Iglesias o que se sumou ao ninguneo que vimos recibindo dos nosos gobernantes e institucións.

EN MEMORIA DOS QUE DEIXARON A súa VIDA: VERDADE E XUSTIZA

Deixe um comentário

Deixe um comentário