Solidariedade antifascista

Mañá, martes 22, reparto de alimentos no Centro Socio-Cultural Aurelio Aguirre de Conxo, a partir das 16.30 horas.

Share on facebook
Facebook
Share on twitter
Twitter
Share on google
Google+
Share on whatsapp
WhatsApp
Share on telegram
Telegram
Share on email
Email
Share on facebook
Share on twitter
Share on google
Share on whatsapp
Share on telegram
Share on email

Redacción adiante | A Coruña | 21 de decembro. O colectivo Estudantes Antifascistas levou a cabo unha recollida de alimentos, a primeira na Galiza por parte do antifascismo e o asociacionismo xuvenil, din, e obtivo unha tonelada de alimentos que repartirán mañá -día 22- en Compostela en colaboración coa Asociación de Veciños de Conxo.

@Estudantes Antifascistas

Por que un colectivo antifascista se ocupa de axudar con alimentos á poboación máis necesitada?

Esta é a resposta dos estudantes para darlle difusión á iniciativa:

“As condiçons de vida da classe trabalhadora estám cada vez mais depauperadas. Esta situaçom, agravada pola crise derivada da pandemia da COVID-19, provoca que cada vez mais famílias fiquem sem recursos, sem vivenda e com graves dificuldades de alimentaçom. Porém, nom se lhes está oferecendo nengumha alternativa viável desde a Junta da Galiza nem desde o Governo espanhol.

Perante esta situaçom, a juventude revolucionária e socialista galega organizada em Estudantes Antifascistas, lançamos a iniciativa de realizar umha recolhida de alimentos na Praça do Toural de Compostela, primeira iniciativa assim na Galiza promovida por umha organizaçom antifascista.

Com esta iniciativa queremos contribuir a paliar as duras condiçons que padecem cada vez mais famílias, com dificuldades reais para chegar a fim de mês.

Nom pretendemos praticar assistencialismo, nem exercer a hipócrita caridade da Igreja católica e das ONGs, e muito menos aparentar preocupaçom polo aumento da pobreza como fai o cinismo populista fascista para arrapanhar votos.

Desde Estudantes Antifascistas queremos denunciar a depauperaçom de cada vez mais amplos segmentos populares. Perante o individualismo que nos impom este sistema capitalista, propomos redes populares de apoio mútuo, solidariedade e organizaçom coletiva, demonstrando assim que só o povo trabalhador salva o povo trabalhador.

“Nom pretendemos praticar assistencialismo, nem exercer a hipócrita caridade da Igreja católica e das ONGs”

Também queremos aproveitar para agradecer a todas as pessoas que desinteressadamente colaborárom connosco, achegando víveres, divulgando a iniciativa, participando nas tarefas de organizaçom e logística.

Quase umha tonelada de alimentos constata a preocupaçom social polo incremento da pobreza e miséria entre cada vez mais segmentos do povo trabalhador galego, e a necessidade de canalizar a ajuda mediante redes de apoio mútuo, solidariedade e poder popular.

O sucesso e o êxito da atividade anima-nos a voltar a repetir a iniciativa a curto prazo.”