Óscar Penín

Ourense, 1978. Licenciado en Historia. Desde que en 1993 fundara, xunto a outros alumnos, a Asociación Galeguista do Otero Pedrayo, segue unha senda que o fai ir continuamente da profesionalización ao activismo cultural e que non lle deixa parar nunca. Fundador da AGOP, colaborador do periódico GRALHA, membro da ANOC, representante da Asemblea de Traballadores de Arqueoloxía por Ourense, membro de ESCUA e coordinador de A Bela Auria. Traballou para empresas e institucións do sector cultural como Itc.ménsula, Ouvirmos, Museo Arqueolóxico de Ourense, Zeta Arqueoloxía, Trivium, a fundación Uxío Novoneyra e a fundación Xaime Quesada Blanco.