Vigo, 1990. Diplomada en Enfermaría. Traballou no sector privado antes de incorporarse ás listas do SERGAS. Foi enfermeira con contratos temporais até a súa designación como deputada en outubro de 2016. Formou parte da executiva de Podemos Galicia e, como deputada, do Grupo En Marea e, despois, Grupo Común da Esquerda. En marzo pasado reincorporouse o servizo de enfermaría na Área de Vigo e comezou a traballar facendo substitucións por días.
“O meu inimigo é o Partido Popular”
A peza básica na construción dun escándalo mediático é a redución da persoa a unha marca que defina todo o seu carácter. A Paula Quinteiro, os medios de comunicación públicos e privados que espallan a axenda do poder, definírona como vándala. Unha palabra.