Alumnos das universidades da Coruña e Vigo explican como a falta de recursos económicos obrigounos a abandonar os estudos. As taxas de abandono soben cada novo curso -no país case dez puntos entre o 2014 e o 2016, segundo datos do Ministerio-, pero ninguén parece preocupado polas causas.

Dos campus das tres universidades galegas hai mozas e mozos que tiveron que marchar por non poder pagar a matrícula ou facer fronte aos gastos que esixen os estudos superiores. As universidades inda non detectaron estatisticamente este problema, mentres as axudas estatais redúcense ano a ano e van establecéndose mecanismos de ‘rescate’ que incorren na estigmatización do alumno pobre.