ANÁLISE | Por Carmen Arango. Chegou o desxeo á relación institucional do Estado con Catalunya da man dun PSOE necesitado dos apoios do PDeCat e ERC que tamén precisan abrir vías. Mais o taboleiro móvese rápido e o fortalecemento da posición de Puigdemont xera novas incertezas.

ANÁLISE | O PSdeG-PSOE reconstrúese, o PP reconstrúese, a oposición tense que reconstruír. Empezando por abaixo. Por unha banda, a defensa do territorio comeza a artellar realidades e loitas locais en confluencias e mobilizacións nacionais. Pola outra, no espazo do social agroma unha rede que tecen os movementos en torno a cuestións como a reivindicación feminista, as loitas polo acceso aos recursos básicos para a vida ou de defensa do dereito a vivir dignamente.

As cifras do informe da Comisión Iberoamericana de Derechos Humanos están actualizadas a 25 de xuño: 285 mortos; máis de 1.500 feridos; 156 desaparecidos; 72 detidos… “Até o momento non hai unha fonte que brinde os datos exactos da cantas persoas hai feridas e falecidas nas diferentes protestas cívicas a partir do xoves 19 de abril”, sinala o escrito. Sesenta e seis días de horror.

Simone Portugal e Marcos Sorrentino, expertos en educación ambiental, e participantes en Acampa 2018 din que “enfrontar o problema dos refuxiados é enfrontar as desigualdades en cada país, en cada Estado, que levan á inmigración. E isto ten que ver coa educación ambiental, coa mudanza cultural que andamos buscando: dunha cultura competitiva que procura o ben material individual para unha cultura de solidariedade, de cooperación e de coidado cunha vida boa”.

Juan Pablo Moreiras é coñecido polo seu traballo xunto a un equipo de veterinarios que investigaban a poboacións de gorilas en África. Despois de case tres décadas de carreira profesional, o fotógrafo vigués, fillo de emigrantes galegos en Normandía, presenta en Acampa, na Coruña, unha exposición sobre “a importancia do home nas políticas de conservación do medio”. Son os rostros do planeta, que dan conta, como nas fotos de Sebastião Salgado, un dos seus mestres, da dignidade da vida en metade da catástrofe.